تحليل فيديو يحي السنوار في أنفاق غزة
قبل عامين (2)
السبت، 21 مارس 2026
الجمعة، 20 مارس 2026
الزمن يا مولع فى البعد
نارى!!!
الزمن هوه اللى هيخلص لى تارى!!!
مساء الخير.
مساء النور.
أية ده؟ أنت بتغنى؟ أية؟ نويت أخيراً تعمل
"شفت كارير"؟!!!
لا, ليه؟ أية اللى خلاك متعجب كدة من غنائى؟!!!
أصل صوتك وحش.
وتفتكر ده سبب يمنعنى من الغناء, ما ثلاث أربع
من اللى بيغنوا صوتهم وحش, وبرضة مش سايبنا فى حالنا, "وبيغنوا".
أه, بس أصل أنت عندك مشكلتين "والموضوع
مركب", الأولى أنك ما بيتعرفش تغنى, والثانية إن صوتك وحش قوى.
يعنى تفتكر إنى مش هنفع فى قار الغناء؟
ده مؤكد.
بصراحة أنت صدمتنى.
وأنت من أهله.
طيب, أنا ماشى.
رايح فين؟
مروح, ما أنت أحبطنى وزعلتنى منك.
ليه ده أنا حبيبك.
لا, خلاص أنا مروح.
طيب, أصبر شوية عشان عايزك فى حاجة.
عايزنى فى أية؟!!!
عايز أسئلك شوية أسئلة.
مش فاضى.
معلش تعالى على نفسك.
لا, لمؤخذة معنديش وقت لك.
ليه؟
عشان أنت صدمتنى.
طب, أقولك: أنت بصراحة صوتك حلو قوى,
"بس المشكلة إن حلاوتة زايدة حبتين وبتجفس".
أيوه كدة أتعدل.
ممكن بقى أسئل.
ماشى.
يعنى ماوراكش حاجة تعملها؟
أنت هتسأل ولا أمشى.
لا, خلاص, هوه توتو ناوى فعلاً يبعت مارينز
للمنطقة؟
تقريباً, الأخبار دى صحيحة.
وتفتكر, أية اللى هيحصل؟!!!
مجزرة.
للأمريكان؟!!!
أه.
أنت متأكد؟!!!
أه, متأكد.
طيب, ليه الأمريكان بيعملو كدة؟!!!
تقصد أنهم بيهربوا للأمام؟!!!
أه.
غباء بعيد عنك.
أزاى كدة؟!!!
يظهر أنه عندهم فى الجينات.
يعنى هم مولودين به, بس هم كمان طوروه.
وبقى أية بعد التطوير؟
غباء مركب.
طيب, همه ليه حاولوا يغتالوا وزير الحرب
الأمريكى, ووزير الخارجية؟!!!
أه, تقصد "الثنائى الغبى"؟
هوه فيه ثنائى غبى؟!!!
مهو ده جزء من الخماسى الغبى.
طيب, مين الباقيين؟
كوشنر وويتكوف.
يبقوا أربعة, مين الخامس؟
ما أنت تعرفه.
تمام, لا داعى لذكرة, طيب, جاوب على سؤالى.
فاكر لما على لاريجانى قبل ما يستشهد,
"حذر من أنهم عايزين يعملوا عمل زى اللى حصل فى 11 سبتمبر ويلبسوه لإيران".
تقصد أنهم من وراء هذا الحدث؟!!!
طبعاً.
ليه؟
لأن الوحيد المستفيد من قتلهم هوه الشعب
الأمريكى.
ليه؟
لأنهم شديدى الغباء وهيودوا بلادهم فى داهية
سودة لو أستمروا فى القيادة.
أه, قبل ما أمشى.
أية أرتباط العنوان بالوضع الحالى؟
الزمن هوه اللى هيخلص لى تارى.
فهمت, يله, تحياتى.
تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الخميس، 19 مارس 2026
هى أية مشكلة توتو مع نيازى وأم نيازى؟!!!
مساء الخير.
مساء النور.
أية ده؟ مين دول؟ وأية حكايتهم؟!!!
بصراحة أنا كنت زيك "فاهم الموضوع
غلط", ولكن مع الوقت أبتديت أفهم الحقيقة المجردة.
اللى هى أية؟!!!
إن توتو ومساعدية "مش عارفين أية اللى بيعملوه
فى الحرب دى".
تقصد تقول إنهم بيتخبطوا؟!!!
أكثر من كدة, دول شكلهم تايهين ومغروسين
ومتعاصين ومتورطين ومهزوزين, ومش مدركين, وحتى أنهم مش عارفين هم رايحين على فين؟!!!
عشان كدة أنت بتقول أن: مشكلة توتو مع نيازى
وأم نيازى.
أه, بمعنى أنه مش عارف أصلاً هوه مشكلته مع
مين؟!!!
لأنك لو لاحظت هتجده شوية بيتحدث عن غزو
كوبا, وشوية بيتكلم عن الأرمادا, وشوية عن تغيير النظام, وشوية عن قتل زعمائهم,
وشوية عن مساعده الشعب الإيرانى, وشوية ويضرب له مقداراته, وشوية عن حاملات
الطائرات, وشوية عن كاسحات الألغام, وفى النهاية بيعاند بشدة, ولا يريد الخروج.
أه, بالرغم من أن الجميع نصحوه بالخروج.
بالنسبة لغزو كوبا "فهو سيصبح أضحوكة
العالم إن فعل"!!!
لماذا؟!!!
لأنها دولة صغيرة جداً على جزيرة صغيرة,
وممكن تغزوها "بزودياك عليه من 3 إلى 4 مارينز", أو ممكن تخلى حرس
جوانتانمو يطلعوا ويعلنوها ولاية امريكية.
يعنى؟!!!
يعنى لو عملها هيقولوا عليه: "أنه
مقدرش على الحمار, قدر على البردعة", ومعذرة فهذا ما يقول المثل.
أه, دى عاملة زى لو واحد ضخم وضربك قلم فأنت
بحثت عن الأنتقام والتعويض والرد, فقمت بضرب أقرب بنوته صغيرة تجاورك بالقلم.
طيب, وهوه ليه رفض مشاركة حاملات الطائرات
الأوروبية؟!!!
لأنه عارف أنها لو راحت مش هتشارك أصلاً,
ولكن هم باعتينها عشان يخوفوا بها إيران.
تفتكر ليه مش عايزين يشاركوا؟!!!
لأنهم بيعتقدوا إن الإيرانيين يستطيعوا
أغراقها.
تفتكر؟!!!
طبعاً لأنهم كانوا يستطيعون أغراق الحاملات
الأمريكية, وأعطبوها وأجبروها على الأنسحاب, فتفتكر أنهم كانوا هيعملوا أية مع
الأوروبيين؟
كارثة, "دول مش هيسموا عليهم", وهيغرقوها
لهم أول ما تقرب.
طبعاً لأنهم ما خافوش من الأمريكان, هيخافوا
من الأوروبيين!!!
طب أية اللى منعهم من أغراق الأسطول
الأمريكى؟!!!
لأن خسائر امريكا عندها هتكون فادحة لدرجة
إن توتو فى الغالب سيجعل الحرب تدخل فى مرحلة جديدة.
تقصد أنهم هيستخدموا فيها النووى؟!!!
نعم.
طيب, هم ليه الأوروبيين ما راضوش توتو
وبعتوا كاسحات الألغام للخليج؟!!!
لأن توتو مش فاهم حاجة,لكن الأوربيين فاهمين قوى, وبيحسبوا كل خطوة كويس.
مفهمتش؟!!!
كاسحات الألغام لا تعمل إلا فى السلم, لأنها
زوارق غير حديدية, وغير مسلحة, ويستطيع أى قارب صغير أغراقها بسهولة
"بكلاشنكوف" فقط يكفى.
طيب, ليه توتو كان بيصر على أن يرسلوها؟!!!
لأنه ومساعدية ما بيفهموش شىء فى الحرب, وعشان
كدة أنا قلت لك: يظهر إن مشكلة توتو مع نيازى وأم نيازى؟!!!
فهمت, يله, تحياتى.
تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
متى ليلة القدر؟!!
مساء الخير.
مساء النور.
أية ده؟ أنت عرفتها أمتى؟!!!
لا, لكن بصراحة أنا عايز أقول لكم شوية
ملحوظات للناس اللى بتبحث عنها "وتايهين" فى مشارق الدول الأسلامية.
مفهمتش؟!!!
عند رؤيتى لبعض الفديوهات عن الباحثين عن
ليلة القدر لاحظت الآتى: أنهم بيقارنوا شموس المطالع المختلفة لدول العالم
الإسلامى عند الشروق, "كله مع بعضه", وهذا خطأ جسيم.
ليه؟!!!
لأن المطالع المختلفه, "إذا كان
أختلافها كبير", لدرجة أنهم أختلفوا فى البدايات والنهايات, مما يستدعى إن
"ليلة القدر ستكون مختلفة لكل بداية مختلفه".
يعنى أنت بتقول إنك مثلاً لو أخذنا بهذه
السنة كمثال, فإننا هيكون عندنا ليلتين قدر مختلفتين, واحدة لكل بداية؟!!!
نعم, ولو كان هناك ثلاثة بدايات مختلفه,
لأصبحوا ثلاثة ليال قدر مختلفه, وده بالفعل هوه التطبيق الحرفى للحديث عن رسول
الله (ص): "ألتمسوها فى العشرة الأوخر فى الليال الفردية", ملحوظة: الحديث
مروى هنا بالمعنى.
طيب, مش هيه كانت ليلة وحيدة اللى نزل فيها
القرآن للسماء الدنيا؟!!!
نعم, لأنه وقتها نزل على مكان واحد بعينه "له
مشرق واحد ومغرب واحد".
"وعند أختلاف الأماكن والمشارق والمغارب"
يحدث التعدد؟!!!
نعم, لأختلاف الفردى والزوجى بين الدول عند
أختلاف البدايات.
أه, وبالتالى يحدث تطبيق صحيح وحرفى
للحديث.
طيب, مش دى اليلة التى نزل فيها القرآن, وبالتالى
لابد وأن تكون ليلة واحدة؟!!!
نعم, وهذا صحيح عند النزول, ولكن عندنا نتحراها
نحن فيما بعد "كجائزة" على إجتهادنا فى العمل والصلاة, فهى تصبح عدة
ليالى لتوافق الفردى فى العشرة الأواخر من كل بداية مختلفه, ليتمكن كل فرد فى
تحريها وفى الوصول إليها "بالرغم من أختلاف البدايات".
أه, فهمت.
تحياتى.
تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الأربعاء، 18 مارس 2026
هم مش مستعجلين!!!
مساء الخير.
مساء النور.
أية ده؟ مين دول؟ ومش مستعجلين على أية؟!!!
إيران, ومش مستعجلين على الخروج من الحرب.
ليه؟!!!
لأنهم, حتى الآن "كدة كدة" منتصرين,
وكل يوم بتزداد مكاسبهم.
بالرغم من أنهم "هلكوهم قذائف
وصواريخ" وأخرتها أغتالوا لهم على لاريجانى؟!!!
نعم, بالرغم من ذلك, ولأنه فى النهاية هيكون
شهيد, وإحنا عندنا الشهيد مكرم ومحبوب وبنفتخر به, "وحاجة كدة ترفع الرأس".
طيب, ما توتو بيدفع الخليج عشان يخش فى
المعركة؟!!!
للأسف اللى هأقوله هيكون صادم, بس مضطر
أقوله عشان كل واحد يعيد تقييم مواقفه, ويعرف حجمه وهوه واقف فين.
قول وخلصنا؟!!!
لللأسف للمرة الثانية, دول الخليج عايزة تخش
الحرب عشان تقلب الموازين, "فاكرة إنها هتغير شكل المعركة, وهتضيف ميزان قوة
وثقل للطرف المعتدى", ولكن,,,,,,,,,,,
ولكن أية؟ خضتنى؟!!!
ولكنهم هيكونوا زى أنضمام قطيع من الخرفان إلى
معركة الذئاب!!!!
يعنى أية؟!!!
يعنى هيتسلوا عليهم لغاية ما يقضوا عليهم
"تماماً", ويدمروا بلادهم
ويخلوهم يشحتوا, وبعدين يطلقوا عليهم "الحوثيين" ليلموهم ويرجعهم
للحظيرة من ثانى.
طب, ما توتو رايح يبعت لهم حاملة طائرات
جديدة.
حاملة صغيرة, ومش هتقدر تعمل حاجة, وهتنضرب وتضاف
للخسائر, وترجع بعدها محملة بالوكسة والهزيمة.
عندك حق, ده إذا كان كبيرتهم "لما
أتنرفزوا عليها", ضربوها بكام صاروخ وولعوا فيها, وروح شوف الفديوهات بتاعتها
" اللى ممنوعه من النشر.
للأسف, وأنا كررت الكلمة دى كثيراً فى هذه
المقالة, "يظهر إن الرؤية إنعدمت عند الجميع".
ليه؟!!!
عشان كل عقلاء العالم بينصحوا توتو بالخروج,
وهو كل يوم بيزداد عناده وغبائه, ونتيجة لذلك بيتقدم أكثر ويغرس أعمق.
ونهايته؟!!!
هتكون سودة عليه وعلى بلاده بعد ما يلاقوا
أنفسهم أمام حائط سادد عليهم الرؤية والطريق.
ونتيجة لكدة, "هيعملوا أية"؟!!!
هيعملوا كارثة ويستخدموا النووى.
طب, والكونجرس مش عايز يقيده ليه؟!!!
عشان معظم اللى راكب فيه حالياً
"صقور",
يعنى أية؟!!!
يعنى صقور امريكا يرغبوا "بشدة" أن
يروا إيران بتضرب بالنووى, "من بعد مازليتهم".
يا راجل؟!!!
أصلها أرض بعيدة عنهم, ولأعتقادهم بأنهم لن
يضاروا بشىء إن فعلوا.
هل تبعتها لن تصل إليهم؟!!!
لا, ده غباء, لأن نعم ليس فى البداية, ولا حتى
بصورة مباشرة, ولكن؟
ولكن أية؟!!!
يعنى حتى لو ردت إيران, "حتى وإن كان
الرد بنووى", ففى الغالب لن يطول ردها "الأرض لأمريكية".
ولكن؟!!!
ولكنه أعتقاد شديد الغباء لأسباب كثيرة.
وضحها وعددها.
أول حاجة: البترول هيولع وبعده الأسعار
والأسواق هتتجنن, وهتبقى كارثة مدمرة على أقتصاد العالم.
ثانى حاجة: كل دولة نووية عظمى هتخش وتاخد
الدول الصغيرة "اللى نفسها فيها", ويقسموا عليهم العالم, واللى مش عاجبة
هيضربوه بالنووى "على الأقل التكتيكى".
ثالث حاجة: فى الغالب ستقوم بعدها الحرب
العالمية الثالثة, ومش محتاج أوصف لك أية الكوارث اللى هتحدث بسببها.
أه ما العالم شاف حربين عالميين قبلها وعارف
أهوالهم.
لأ, الحرب دى "هتكون غير" عشان الدول
حالياً مسلحين بما هو أقوى وأذكى آلاف المرات من ما إستخدم فيها سبق.
وكمان عشان القادة الحاليين أصبحوا أغبى
بكثر مما سبقوا.
ربنا يسترها علينا.
الله أكبر, وهو خير حافظ.
ونعم بالله.
تحياتى.
تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الاشتراك في:
التعليقات (Atom)
المشاركات
